မန္တလေးမြို့၊ ပြည်ကြီးတံခွန်မြို့နယ်၊ မြဝတီမင်းကြီးလမ်း ၆၁ လမ်းနဲ့ ၆၂ လမ်းကြားရှိ မြို့နယ် တရားရုံးရှေ့မှာ မေလ ၂၁ ရက် မနက် ၁၁ နာရီကျော် က ဗုံးပေါက်ကွဲမှုဖြစ်ခဲ့ပါတယ်။

ပြည်ကြီးတံခွန်မြို့နယ်တရားရုံးဝင်းရှေ့ရှိ ညောင်ပင်ဘေးမှာ လက်လုပ်မိုင်းတစ်လုံး ပေါက်ကွဲခဲ့ တာဖြစ်ပြီး အဆောက်အအုံ ထိခိုက်ပျက်စီးတာမရှိသလို  လူထိခိုက် ဒဏ်ရာရတာ မရှိဘူးလို့ သိရ ဒေသခံတွေထံက သိရပါတယ်။

“ဒီနေ့က ရုံးပိတ်ရက်ဖြစ်တော့ လူတော့ မရှိဘူး။ ဒါကြောင့် ထိခိုက်တာတွေ ဘာတွေမရှိဘူး။ တရားရုံးရှေ့မှာလည်း အတားအဆီးတွေတော့ လုပ်ထားတယ်။” လို့ ရှေ့နေတယောက်က  ပြောပါတယ်။

ဗုံးပေါက်ကွဲမှုဖြစ်တဲ့ ပြည်ကြီးတံခွန်မြို့နယ်တရားရုံးအနီးမှာ ပြည်ကြီးတံခွန်မြို့မစခန်းရှိတာ ကြောင့် အရပ်ဝတ်လက်နက်တချို့ လာရောက်စစ်ဆေးတာတွေ လုပ်ခဲ့ကြပါတယ်။

ပြည်ကြီးတံခွန်မြို့မစခန်းဟာလည်း မကြာခဏ ဗုံးနဲ့ ပစ်ခံရတာ၊ သေနတ်နဲ့ ပစ်ခံရတာတွေ ဖြစ်တာ ကြောင့် စခန်းရှေ့လမ်းမှာ  Slow Down တွေလုပ်ထားပါတယ်။