မဟာအောင်မြေမြို့နယ်၌ အမျိုးသား ၁ ဦး သေနတ်ဒဏ်ရာဖြင့် သေဆုံး
DVB
·
May 7, 2022
မန္တလေးမြို့၊ မဟာအောင်မြေမြို့နယ်၊ သိပ္ပံလမ်း၊ လမ်း ၇၀ နဲ့ ၇၁ လမ်းကြားမှာ မေလ ၇ ရက် မနက် ၁၀ နာရီခွဲလောက်က အမျိုးသားတယောက် သေနတ်မှန် ဒဏ်ရာနဲ့ သေဆုံးနေတယ်လို့ ဒေသခံတွေထံက သိရပါတယ်။
သေဆုံးသူအမျိုးသားဟာ အသက် ၄၀ ကျော်အရွယ်ဖြစ်ပြီး ညာဘက်လက်ပြင်အောက် ကျည်ဆန်ထိမှန် ဒဏ်ရာရရှိကာ FZ အမျိုးအစား ဆိုင်ကယ်ဘေးမှဦ သေဆုံးနေတာဖြစ်တယ်လို့ ရဲတပ်ဖွဲ့နဲ့ နီးစပ်သူက ပြောပါတယ်။
သေဆုံးသူရဲ့ ဘောင်းဘီ အိပ်အတွင်းကနေ မှတ်ပုံတင်တခုတွေ့ရှိခဲ့ပြီး ဦးထွန်းဝေ ဆိုသူဖြစ်ကာ ရုပ်အလောင်းကို ဆေးရုံကြီးမှာ တင်ပို့ထားပါတယ်။
ဘာကြောင့် ပစ်ခတ်ခံရပြီး သေဆုံးတယ်ဆိုတာနဲ့ ဘယ်အဖွဲ့က ပစ်ခတ်ခဲ့တယ်ဆိုတာကိုတော့ ထုတ်ပြန်ကြေညာတာ မတွေ့ရသေးပါဘူး။
