ရန်ကုန်မြို့ရှိ စစ်ကောင်စီ ဒေါက်တိုင် ဓာတ်ဆီဆိုင်တဆိုင်နဲ့ KTV ဆိုင်တဆိုင်ကို ဗဟန်းမြို့နယ် မြို့ပြပြောက်ကျားတပ်ဖွဲ့ Bahan Guerrilla Force (B-PDF)က ဗုံးခွဲတိုက်ခိုက်ခဲ့တယ်လို့ ထုတ်ပြန်ပါတယ်။

ဗဟန်းမြို့နယ်၊ အရှေ့မြင်းပြိုင်ကွင်းလမ်းပေါ်က မြတ်မေတ္တာမွန်ဆီဆိုင်နဲ့ ရွှေဂုံတိုင်မီးပွိုင့်အနီးက The ONE Entertainment KTV တို့ကို ဒီကနေ့ ဧပြီ ၁၉ ရက် မနက် ၇ နာရီခွဲလောက်မှာ ဗုံးနှစ်လုံးနဲ့ တိုက်ခိုက်ခဲ့တာဖြစ်ပါတယ်။

The One Entertainment ကတော့ ပြည်သူတွေကို စိတ်အနှောင့်အယှက်ဖြစ်စေတာကြောင့် ခုလိုဆောင်ရွက်ခဲ့တာဖြစ်ပြီး စစ်ကောင်စီဒေါက်တိုင် မြတ်မေတ္တာမွန်ဆီဆိုင်ကိုတော့ မြို့နယ် ပြည်သူ့ကာကွယ်ရေးအဖွဲ့( ပကဖ)နဲ့  B-PDF တို့ ပူးပေါင်းတိုက်ခိုက်ခဲ့တာလို့ ဆိုပါတယ်။

ဗုံး​ပေါက်ကွဲပြီး​နောက် ထိခိုက်ပျက်စီးမှုအခြေအနေတွေနဲ့ ပတ်သက်ပြီးတော့ B-PDF ရဲ့ ထုတ်ပြန်ချက်ထဲမှာ ဖော်ပြမထားသလို အဆိုပါ ဆိုင် ၂ ဆိုင်နဲ့ စစ်ကောင်စီပြန်ကြားရေးဘက်က  ထုတ်ပြန်ထားတာ မတွေ့ရပါဘူး။

မြန်မာနိုင်ငံမှာ စစ်အာဏာသိမ်းယူထားခဲ့တဲ့ တနှစ်ကျော်ကာလအတွင်း နိုင်ငံရေးမတည်ငြိမ်မှုတွေနဲ့အတူ ဒေသခံပြည်သူ့ကာကွယ် ရေးတပ်တွေ၊ တိုင်းရင်းသားလက်နက်ကိုင်တပ်တွေနဲ့ စစ်ကောင်စီတပ်တွေကြား တိုက်ပွဲတွေ မြို့ရွာအနှံ့ ပြင်းထန်နေခဲ့တာ ဖြစ်ပါတယ်။