စစ်တွေမြို့၌ သတင်းထောက်မိသားစုကို လက်နက်ကိုင်လူတစုက အနိုင်ကျင့်ရမ်းကား
DVB
·
March 29, 2022
ရခိုင်ပြည်နယ်၊ စစ်တွေမြို့အခြေစိုက် နရဉ္စရာသတင်းဌာနရဲ့ အကြီးတန်းသတင်းထောက် မချစ်အိလှိုင်ရဲ့နေအိမ်ကို မတ်လ ၂၅ ရက်ညမှာ လက်နက်ကိုင်လူတစုက ဝင်ရောက်လာပြီး အနိုင့်ကျင့်ရမ်းကားခဲ့တဲ့ကိစ္စ သက်ဆိုင်မှုမရှိဘူးလို့ ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော် (ULA/AA)က မတ်လ ၂၉ ရက်မှာ ထုတ်ပြန်ပါတယ်။
အယောက် ၃၀ လောက်ပါတဲ့ လူတစုက သံတုတ်နဲ့ သေနတ်တွေကိုင်ကာ နရဉ္စရာ သတင်းထောက်မချစ်အိလှိုင်ရဲ့ မိသားစုနေအိမ်ထဲကို ဝင်ရောက်ပြီး ကိုယ်ထိလက် ရောက်ရိုက်နှက်စော်ကား အနိုင်ကျင့်ခဲ့တာဖြစ်ပါတယ်။
ဘာကြောင့်ခုလို လုပ်ဆောင်ခဲ့တယ်ဆိုတာတော့ မသိရသေးပါဘး။ အဲ့ဒီလုပ်ရပ်အတွက် ကာယကံရှင်တွေက တရားမျှတမှုလိုလားကြောင်းတောင်းဆိုထားပေမယ့် ဘယ်လက်နက် ကိုင်အဖွဲ့က ကျူးလွန်လည်းဆိုတာကို စုံစမ်းဆဲဖြစ်ပါတယ်။
