ရွှေညောင်ရဲစခန်းကို ချိုးဖြူပြောက်ကျားတပ်ဖွဲ့က ဗုံးခွဲတိုက်ခိုက် ရဲ ၂ ဦးဒဏ်ရာရ
DVB
·
March 11, 2022
ရှမ်းပြည်နယ်တောင်ပိုင်း၊ ရွှေညောင်မြို့ နယ်မြေရဲစခန်းကို မတ်လ ၈ ရက်၊ နေ့လယ်က ချိုးဖြူပြောက်ကျားတပ်ဖွဲ့ (JPGF) က ဗုံးခွဲတိုက်ခိုက်ခဲ့ရာမှာ ရဲ ၂ ဦး ထိခိုက်ဒဏ်ရာ ရရှိခဲ့တယ်လို့ JPGF က ထုတ်ပြန်ထားပါတယ်။
ချိုးဖြူပြောက်ကျားတပ်ဖွဲ့ (JPGF) ကို မတ်လ ၇ ရက်နေ့မှာ စတင်ဖွဲ့စည်းခဲ့တာဖြစ်ပြီး စတင်ဖွဲ့စည်းတဲ့နေ့မှာပဲ ပင်းတယမြို့ရှိ ကြံ့ခိုင်ရေးရုံးကို ဗုံးခွဲတိုက်ခိုက်ခဲ့တာပါ။
JPGF အနေနဲ့ "ဝုန်းဒိုင်း" စစ်ဆင်ရေးအမည်နဲ့ ဟဲဟိုးမြို့အတွင်းရှိ နယ်မြေရဲစခန်းနဲ့ လျှပ်စစ်မီတာရုံးအတွင်း ကင်းပုန်းဝပ်နေတဲ့ စစ်ကောင်စီတပ်သားတွေကို ဗုံးခွဲတိုက်ခိုက်တာတွေ အပါအဝင် စစ်ဆင်ရေး ၆ ကြိမ်ခန့် ပြုလုပ်ခဲ့သလို စစ်ကောင်စီနဲ့ ဆက်နွှယ်တဲ့ နေရာဌာနတွေ၊ ဒလန်တွေ၊ ပျူစောထီးတွေနဲ့ သူတို့ရဲ့ ထောက်တိုင်တွေကို အရှိန်အဟုန်မြှင့် တိုက်ခိုက်သွားမယ်လို့ သတိပေး ထုတ်ပြန်ထားပါတယ်။
