ပြည်ကြီးတံခွန်တွင် သန်းခေါင်အချိန် မီးလောင်၊ နေအိမ်နှင့် ကားများ ဆုံးရှုံး
DVB
·
March 7, 2022
မန္တလေးတိုင်း၊ ပြည်ကြီးတံခွန်မြို့နယ်မှာ မတ်လ ၆ ရက် ည ၁၁ နာရီ ၄၃ မိနစ်လောက်က (ဆ) ရပ်ကွက်၊ ရတနာလမ်း ၅၅×၅၆ လမ်းမှာ မီးလောင်မှုဖြစ်ပွားခဲ့ပြီး ၂ ဦး ဒဏ်ရာရရှိသွားကာ နေအိမ်တစ်လုံး ၊ကားတစ်စီးနဲ့ ဆိုင်ကယ် ၃ စီး မီးလောင်ဆုံးရှုံး သွားတယ်လို့ ပရဟိတ အဖွဲ့ဝင် တစ်ဦးက ပြောပါတယ်။
မီးလောင်မှုဖြစ်တဲ့ နေအိမ်ဟာ အရက်ဆိုင်နဲ့ တက်တူးထိုးဆိုင်တွဲဖွင့်ထားတာဖြစ်ပြီး တက်တူးထိုးဆိုင်ရှိ ကွန်ပြူတာအပူလွန်ကဲရာကနေ မီးလောင်မှုစတင်ဖြစ်တယ်လို့ သိရပါတယ်။
ဒဏ်ရာရရှိသူတွေကိုတော့ ရွှေမဉ္ဇူလူမှုကူညီရေးအသင်းက လန်ဒန်ဆေးရုံကို ပို့ဆောင်ပေးခဲ့ တယ်လို့ သိရပါတယ်။
Level 1 အဆင့် မီးလောင်ကျွမ်းတာဖြစ်ပြီး ည ၁၂ နာရီမှာ ငြှိမ်းသတ်နိုင်ခဲ့တယ်လို့ မီးသတ်တပ်ဖွဲ့က ထုတ်ပြန်ပါတယ်။
