မဟာအောင်မြေမြို့နယ်၌ မီးလောင်ပြီး လူဦးရေ ၁၀၀ ကျော် မီးဘေးဒုက္ခသည်ဖြစ်
DVB
·
February 15, 2022
မန္တလေးမြို့၊ မဟာအောင်မြေမြို့နယ်၊ စင်္ကြာနွယ်စဥ်ရပ်ကွက်၊ ၃၇ လမ်းနဲ့ ၃၈ လမ်းကြား၊ ၇၄ လမ်း နဲ့ ၇၅ လမ်းကြားမှာ ဖေဖော်ဝါရီ ၁၅ ရက် မနက် ၇ နာရီခွဲလောက်က မီးလောင်မှုဖြစ်ခဲ့ပါတယ်။
မီးလောင်မှုကြောင့် လူနေအိမ် ၁၇ လုံး မီးလောင်ဆုံးရှုံးခဲ့ပြီး မီးစတင်လောင်ကျွမ်းတဲ့အကြောင်းရင်းကိုတော့ စစ်ဆေးနေစဲပဲလို့ မီးသတ်ဦးစီးဌာန က သိရပါတယ်။
မီးလောင်မှုကြောင့် မီးဘေးသင့်ပြည်သူ အိမ်ထောင်စု ၂၇ စု၊ စုစုပေါင်း လူဦးရေ ၁၀၀ ကျော် ကို ဆူးလေဗလီအတွင်း ကယ်ဆယ်ရေးစခန်းဖွင့် ယာယီခိုလှုံခွင့် ပေးထားရပါတယ်။
