ရှမ်းပြည်တောင်ပိုင်း အောင်ပန်းတွင် နေအိမ်တစ်လုံး မီးလောင်
DVB
·
February 11, 2022
ရှမ်းပြည်တောင်ပိုင်း အောင်ပန်းမြို့၊ မိုးကောင်းရပ်ကွက်မှာ ဖေဖော်ဝါရီ ၁၀ ရက် ည ၇ နာရီ လောက်က မီးလောင်မှု ဖြစ်ပွားခဲ့ပါတယ်။
"နေရာက သံလမ်းဘေးနားက ခွန်ပအိုဝ် သုံးထပ်တိုက်မှာ၊ မီးလာတာနဲ့ သိပ်မကြာဘူး စတာပဲ" လို့ တစ်ဦးက ပြောပါတယ်။
ဖယောင်းတိုင်မီးက စတင်ခဲ့တဲ့ မီးဟာ တစ်နာရီလောက် လောင်ကျွမ်းခဲ့ပြီး မီးသတ်နဲ့ ရပ်ကွက်သူ၊ ရပ်ကွက်သားတွေ ဝိုင်းဝန်းငြှိမ်းသတ်တာကြောင့် ည ၈ နာရီမှာ မီးငြှိမ်းသတ်နိုင်ခဲ့တယ်လို့ ဆိုပါတယ်။
မီးလောင်မူကြောင့် နေအိမ်တစ်လုံးပျက်စီးခဲ့ကာ အိမ်ရှင်နဲ့ မီးငြိမ်းသတ်ရာမှာ လာရောက်ကူညီပေးတဲ့ အမျိုးသားတို့ ပြတ်ရှဒဏ်ရာတွေ ရရှိခဲ့ပါတယ်။
အဲ့နောက် ထိခိုက်ဒဏ်ရာရလူနာတွေကို အောင်ပန်းပြည်သူ့ဆေးရုံသို့ ပို့ဆောင်ပေးခဲ့တယ်လို့ နာရေးကူညီမှုအသင်း(အောင်ပန်း)က ပြောပါတယ်။
