စစ်ကိုင်းတိုင်း ရွှေဘိုမြို့နယ် ဆိပ်ခွန်ရွာကို စစ်ကောင်စီတပ်တွေက ဖေဖော်ဝါရီ မနက်ပိုင်းကတည်းက ဝင်ရောက်စီးနင်းခဲ့ပြီး ည ၁ဝ နာရီလောက် ရွာမြောက်ပိုင်းမှာ စတင် မီးရှို့ခဲ့တယ်လို့ ရွာသားတဦးက ပြောပါတယ်။ 

ဒါ့အပြင် ရွှေဘိုမြို့အနောက်ဘက်က ဆိပ်ခွန်တစ်ရွာလုံးအနှံ့ လမ်းတိုင်းမှာ စစ်ကောင်စီတပ်က ကင်းချထားပြီး ရွာထဲ ဘယ်သူ့ကိုမှ အဝင်မခံဘဲ မြင်သမျှကိုလည်း ရမ်းသမ်း ပစ်ခတ်နေတာလို့ ပြောပါတယ်။

စစ်သားတွေဟာ သေနတ်တွေနဲ့ ပစ်ခတ်တာကြောင့် လူ ၃ ဦး သေပြီး ၁၀ ယောက်လောက် အဖမ်းခံထားရတယ်လို့ ပြောပါတယ်။ 

မီးလောင်ဆုံးရှုံးတဲ့ နေအိမ်တွေများမှာဖြစ်ပြီး အတိကျ မသိရသေးဘူးလို့ ဆိုပါတယ်။

လက်ရှိအချိန်မှာ ဆိပ်ခွန်၊ နံ့သာ၊ ဆိပ်သာ၊ ဗိုလ်တည်းကုန်း ကျေးရွာတွေ ဒေသခံပြည်သူတွေ ထွက်ပြေးတိမ်းရှောင်နေကြရပါတယ်။