ယင်းမာပင်မြို့နယ်အတွင်း စစ်တပ်ပိုင် Mytel တာဝါတိုင် မိုင်းခွဲခံရ
DVB
·
January 28, 2022
စစ်ကိုင်းတိုင်း ယင်းမာပင်ခရိုင် ယင်းမာပင်မြို့နယ်အတွင်းရှိ စစ်တပ်ပိုင် Mytel တာဝါတိုင် တစ်တိုင်ကို ဇန်နဝါရီ ၂၇ ရက်နေ့ ညနေ ၃ နာရီအချိန်က ဆရာစံ -YMB -PDF အဖွဲ့က မိုင်းခွဲဖြိုလှဲ ခဲ့တယ်လို့ ထုတ်ပြန်ထားပါတယ်။
“စစ်ကောင်စီရဲ့ ထောက်တိုင်တွေကို ဖျက်ဆီးတာနဲ့ ကျနော်တိုရဲ့ မကျေနပ်ချက်တွေကို ဖော်ထုတ်ပြတာ” လို့ ဆရာစံ -PDF အဖွဲရဲ့ တာဝန်ရှိသူက ဒီဗွီဘီကို ပြောပါတယ်။
တာဝါတိုင်က ရရှိလာတဲ့ ကုန်ကြမ်းတွေကို ဖောက်ခွဲရေးအတွက် အသုံးပြုသွားမှာဖြစ်ပြီး တခြားလိုအပ်တဲ့ ဖောက်ခွဲရေးအဖွဲ့ အစည်းတွေကိုလည်း ဖြန့်ဝေပေးသွားမယ်လို့ ဆိုပါတယ်။
ဆရာစံ -YMB -PDF အဖွဲ့အနေနဲ့ စစ်တပ်ပိုင် Mytel တာဝါတိုင် ၇ တိုင်ကို မိုင်းခွဲဖျက်ဆီး ထားနိုင်ပြီလို့ သိရပါတယ်။
