မန္တလေးမြို့ရှိ ထွန်တုံး လျှပ်စစ်ဓာတ်အားခွဲရုံတွင် ဗုံးပေါက်ကွဲ
DVB
·
January 26, 2022
မန္တလေးမြို့၊ ချမ်းမြသာစည်မြို့နယ်၊ ထွန်တုံးရပ်ကွက် ၄၉ လမ်း နဲ့ ၁၀၈ လမ်းထောင့်ရှိ ထွန်တုံးလျှပ်စစ် ဓာတ်အားခွဲရုံအတွင်း ဇန်နဝါရီ ၂၅ ရက် ည ၇ နာရီဝန်းကျင်က ဗုံးပေါက်ကွဲမှုဖြစ်ခဲ့ပါတယ်။
အမည်မသိ လူနှစ်ဦးက ဆယ်ကယ်နဲ့ရောက်လာ ပစ်သွားတာကြောင့် ထွန်တုံးလျှပ်စစ် ဓာတ်အားခွဲရုံအတွင်း ကျရောက်ပေါက်ကွဲခဲ့ကာ လူထိခိုက်ဒဏ်ရာရတာနဲ့ အဆောက်အဦ ထိခိုက်ပျက်စီးတာ မရှိဘူးလို့ သိရပါတယ်။
“ညနေပိုင်းဆိုရင်ကို အဲ့ပတ်ဝန်းကျင်က လူသွားလူလာ နည်းသွားပြီ။ အဲ့ဒီရုံးမှာကလည်း လူသိပ်မရှိဘူး။ ပေါက်ကွဲမှုဖြစ်တာ ထိခိုက်တယ်မကြားမိဘူး။” လို့ ထွန်တုံးရပ်ကွက်နေပြည်သူ တစ်ဦးက ပြောပါတယ်။
ဒါ့အပြင် ဒီကနေ့ မနက် ၇ နာရီဝန်းကျင်ကလည်း ပုသိမ်ကြီးမြို့နယ်၊ ဆင်ပွတ်ကြီးကျေးရွာ အုပ်ချုပ်ရေးမှူးက မြေနေရာ ငှားရမ်းထားတဲ့ မိုင်တဲလ်တာဝါတိုင်အနီးမှာ မပေါက်ကွဲသေးတဲ့ မိုင်းတစ်လုံး တွေ့ရှိခဲ့တယ်လို့ သိရပါတယ်။
