စစ်ကိုင်းတိုင်းဒေသကြီး ကောလင်းခရိုင် ကောလင်းမြို့ ရွှေဘို၊ မြစ်ကြီးနား၊ ဗျူဟာလမ်းမပေါ်မှာ စစ်ကောင်စီရဲ့ထောက်တိုင်တခုဖြစ်တဲ့ ဆင်မင်းဘိလပ်မြေ အိတ် ၈၀၀ သယ်ဆောင်လာတဲ့ 7N/N2784 မော်တော်ယာဉ်အား ကောလင်းပြည်သူ့ ကာကွယ်ရေးတပ် (ပကဖ) က ဖမ်းဆီးရမိခဲ့တယ်လို့ ဇန်နဝါရီလ ၂၂ ရက် ဒီကနေ့ ရက်စွဲနဲ့ KLPDF က ထုတ်ပြန်ထားပါတယ်။
ဇန်နဝါရီ ၁၉ ရက်နေ့ မနက် ၉ နာရီက စစ်ဆေးရေးပြုလုပ်စဉ် ဖမ်းဆီးမိတာဖြစ်ပြီး ပစ္စည်းပိုင်ရှင်ကိုတော့ နောက်နောင်မှာ စစ်ကောင်စီနဲ့ပတ်သက်တဲ့ ပစ္စည်းတွေကို ကူးသန်းရောင်းဝယ်ချင်း မပြုဖို့ သတိပေးတားမြစ်ခဲ့တယ်လို့ ထုတ်ပြန်ချက်ထဲမှာပါရှိ ပါတယ်။
ယာဉ်မောင်းနဲ့ ယာဥ်နောက်လိုက်ကိုတော့ လူသားချင်းစာနာထောက်ထားလို့ ပြန်လွှတ်ပေးလိုက်ကြောင်း သိရပါတယ်။
ဇန်နဝါရီ ၁၉ ရက် ညနေ ၄ ကလည်း ဆင်မင်း ဘိလပ်မြေအိတ် ၇၀၀ တင်ဆောင်လာတဲ့ နောက်ထပ်ယာဥ်တစ်စီးကို ထပ်မံဖမ်းဆီးရမိခဲ့တယ်လို့ ဆိုပါတယ်။
