ကချင်ပြည်နယ် မြစ်ကြီးနားမြို့ နောင်နန်းတိုက်နယ်တကြောမှာ ဇန်နဝါရီ ၁၃ ရက်နေ့ မနက်ပိုင်းက အချိန်အခါမဟုတ် မိုးသီးအများအပြား ကြွေကျခဲ့တယ်လို့ မြစ်ကြီးနားမြို့ခံတစ်ဦးက DVB ကို ပြောပါတယ်။
"မိုးသီးကြွေကျတာက နောင်နန်းတိုက်နယ်တကြောမှာရှိတဲ့ ရပ်ကွက်တော်တော်များများမှာ ကြွေကျခဲ့တာပါ။ မြစ်ကြီးနားမြို့ပေါ်ရပ်ကွက်မှာနေတဲ့ သူတွေက သိတောင်မသိလိုက်ဘူး။ နောင်နန်းတိုက်နယ်တကြောမှာပဲ ကွက်ပြီးကျသွားတဲ့ပုံပါပဲ။ တချို့သွပ်မိုးထားတဲ့အိမ်တွေဆို ခေါင်မိုးအပေါက် ပေါက်သွားလို့ ဒုက္ခရောက်နေကြပြီလေ။"
ပူတာအိုခရိုင် ပူတာအိုမြို့နယ်နဲ့ နောင်မွန်မြို့နယ်တွေမှာလည်း မိုးသည်းနေတဲ့အတွက် ရေခဲတောင်တန်းတွေမှာ ရေခဲထူထပ်နေပြီဖြစ်ပါတယ်။
ရေခဲမိုးရွာတဲ့အချိန် တောင်တက်ပါက အန္တာရာယ်များနိုင်တဲ့အတွက် တောင်တက်လိုတဲ့ ခရီးသွားတွေ ခရီးစဉ်ရွှေ့ဆိုင်းသင့်တယ်လို့ ပူတာအိုမြို့ ခံတစ်ဦးက အကြုံပြုထားပါတယ်။
