စစ်ကိုင်းတိုင်း ယင်းမာပင်မြို့နယ်မှာ ဇန်နဝါရီ ၉ ရက်​က စစ်​ကောင်စီတပ်ဖွဲ့ရဲ့ မီးရှို့မှုကြောင့် ​နေအိမ်နဲ့အဆောက်အအုံ တချို့ မီး​လောင်ပျက်စီးခဲ့တယ်လို့ သိရပါတယ်။

ဇန်နဝါရီ ၉ ရက်​ ​မွန်းတည့် ၁၂ နာရီဝန်းကျင်​လောက်က ကျေးစာကျ​ကျေးရွာဒေသခံပြည်သူ ၃ ဦးရဲ့ ​နေအိမ်တွေအပါအဝင် အ​ဆောက်အအုံ ၆ လုံးကို စစ်ကောင်စီတပ်က မီးရှို့ခဲ့တာလို့ ​ဒေသခံ​တွေက ​ပြောပါတယ်။ 

​ထောက်ပို့ယာဥ်တန်းနဲ့အတူ လိုက်ပါတဲ့ စစ်​ကောင်စီတပ်သား​တွေ မီးရှို့ဖျက်ဆီးသွားတာဖြစ်ပြီး လက်နက်ကြီးလက်နက်ငယ်တွေနဲ့ပါ ပစ်ခတ်ခဲ့ကြတယ်လို့ ​ပြောပါတယ်။ 

မီးရှို့ခံရတဲ့ ပြည်သူတွေဟာ ​သူတို့ရဲ့နေအိမ်​တွေမှာ ရှိမ​နေကြဘဲ စစ်​ကောင်စီကားတန်း လာ​ရာလမ်းတစ်​လျှောက် ​ကျေးရွာ​တွေက ပြည်သူတွေလည်း ​ကြောက်လန့်တကြီး ထွက်​ပြေး​နေကြရတာလို့ ဆိုပါတယ်။

စစ်​ကောင်စီတပ်ဖွဲ့တွေလာရင် ​ပြည်သူတွေရဲ့ နေအိမ်ကို ဖျက်ဆီးမီးရှို့တာနဲ့ ပစ္စည်းတွေကို ယူ​ဆောင်တာတွေအပြင် တွေ့တဲ့လူကိုလည်း လူသားဒိုင်းအဖြစ် ခေါ်​ဆောင်တာ​နဲ့ သတ်ဖြတ်တာ​တွေ​ကြောင့် ထွက်​ပြေးတိမ်း​ရှောင်နေကြတာလို့ ဒေသခံတွေက ​ပြောပါတယ်။

ချီတက်လာတဲ့ စစ်​ကောင်စီတပ်ဖွဲ့တွေဟာ ကားအစီး​ရေနဲ့ တပ်သားအင်အားများပြီး ခရီးစဥ်တစ်​လျှောက်လုံးမှာလည်း PDF ပူး​ပေါင်းအဖွဲ့​တွေရဲ့ တိုက်ခိုက်တာကို ခံခဲ့ရသလို ဇန်နဝါရီ ၉ ရက်​ကလည်း ​နေရာများများမှာ တိုက်ခိုက်ခံရတာကြောင့် စစ်​ကောင်စီတပ်ဖွဲ့ဝင်တွေ ထိခိုက်ကျဆုံးတာတွေ ရှိခဲ့တယ်လို့ PDF အဖွဲ့​တွေက ​ပြောပါတယ်။