စစ်ကိုင်းတိုင်း စစ်ကိုင်းမြို့နယ် ညောင်ပင်ဝန်းရွာ နဲ့ နုံးတွင်းရွာကြားမှာ ဇန်နဝါရီ ၅ ရက်နေ့ညပိုင်းက စစ်ကောင်စီတပ်တွေ မှားယွင်းပစ်ခတ်မှုကြောင့် ညောင်ပင်ဝန်းစခန်းမှူးနဲ့ ရဲတပ်သားတစ်ဦး ဒဏ်ရာရခဲ့တယ်လို့ သိရပါတယ်။
ညောင်ပင်ဝန်းဒေသခံတစ်ဦးက “ရဲနှစ်ဦးနဲ့သတင်းပေးတစ်ဦးတို့ လိုက်ပါလာတဲ့ကားကို တားဆီးရာမှာ ရပ်မပေးဘဲ မောင်းပြေးသွားလို့ စစ်ကောင်စီတပ်တွေက ပစ်ခတ်အတွက် ညောင်ပင်ဝန်းစခန်းမှူး နဲ့ ရဲတပ်သားတစ်ဦးက ဒဏ်ရတယ်။ ဒလန်လို့သတ်မှတ်ခံရသူက သေဆုံးသွားတယ်” လို့ ပြောပါတယ်။
စခန်းမှူးအပါအဝင် ၃ ဦးဟာ နွားကားတွေကို ပိုက်ဆံတောင်းပြီးအပြန်မှာ အခုလို ပစ်ခတ်ခံရတာလို့ ဆိုပါတယ္။
“ညစဉ်နွားကားများ ပိုက်ဆံတောင်းလေ့ရှိတယ်။ အခုလည်း ပိုက်ဆံတောင်းပြီးလို့အပြန် ကင်းပုန်းဝပ်စစ်ကောင်စီတပ်သားတွေက မှားယွင်းပစ်ခတ်ခဲ့တာ။”
ပစ်ခတ်မှုကြောင့် သေဆုံးသွားသူရဲ့ ရုပ်အလောင်းကို စစ်ကိုင်းမြို့ ယုန်ဖြူသုသာန်မှာ ဇန်နဝါရီ ၆ ရက်နေ့ နေ့လယ်ပိုင်းမှာ အရပ်ဘက်အဖွဲ့အစည်းတွေက သင်္ဂြိုဟ်ပေးခဲ့တယ်လို့ သိရပါတယ်။
ဓာတ်ပုံ-စစ်ကိုင်းမြို့နယ် သတင်းမှန်ပြန်ကြားရေး
