စစ်ကိုင်းတိုင်း ယင်းမာပင်မြို့နယ်မှာ ဒီဇင်ဘာ ၁၃ ရက်​နေ့က  PDF ပူး​ပေါင်းအဖွဲ့တို့ရဲ့ တိုက်ခိုက်မှု​ကြောင့် စစ်​ကောင်စီတပ်သား ၃၀ ​ကျော် ​သေဆုံးခဲ့တယ်လို့ သိရပါတယ်။

ဒီဇင်ဘာ ၁၃ ရက်မနက်ပိုင်းက  မုံရွာဘက်က​နေချီတက်လာတဲ့ စစ်​ကောင်စီယာဥ်တန်း ၅၀ ​ကျော်ကို ယင်းမာပင်မြို့နဲ့ လယ်​​ငေါက်​ကျေးရွာအကြားမှာ မိုင်းဆွဲတိုက်ခံရတာဖြစ်ပြီး စစ်​ကောင်စီတပ်သား ၃၀ ​ကျော် သေဆုံးခဲ့တယ်လို့ တိုက်ခိုက်​ရေး​ထဲပါဝင်တဲ့ ဗိုလ်ထွဋ်​ခေါင်က ​ပြောပါတယ်။ 

လတ်တ​လောအချိန်ထိ ပွိုင့် ၃ ခုသာ တိုက်ခိုက်ခဲ့ရ​သေးတာဖြစ်ပြီး ပထမပွိုင့်က ၁၅ ​ယောက်​လောက်ထိမှန်ခဲ့ပြီး၊ ဒုတိယပွိုင့်မှာ ၈ ​ယောက်​လောက်နဲ့ တတိယပွိုင့်မှာ ၁၀ ​ယောက်ထက်မနည်း ထိမှန်ခဲ့တယ်လို့ ဆိုပါတယ်။ 

ပထမပွိုင့် နဲ့ ဒုတိယပွိုင့်မှာ စစ်​ကောင်စီဘက်က လက်နက်ကြီးသမား​တွေ မထိမှန်ခဲ့တာ​ကြောင့် ပြန်လည်ရမ်းသမ်းပစ်ခတ်မှု​တွေ ပြုလုပ်ခဲ့ကြ​ပြီး တတိယပွိုင့်မှာ​တော့ လက်နက်ကြီးသမား​တွေပါ ထိမှန်ခဲ့တာ​ကြောင့် ပြန်မပစ်နိုင်ဘူးလို့ ​ပြောပါတယ်။ 

စစ်​ကောင်စီတပ်ဖွဲ့ဟာ လည်​ငေါက်​ကျေးရွာအနီးမှာ ဆက်ရှိ​နေ​တယ်လို့ သိရပါတယ်။

အခုလိုတိုက်ခိုက်မှုကို ယင်းမာပင်မြို့နယ်  တပ်ရင်း ၃ နဲ့ တပ်ရင်း ၄ တို့အပြင် မုံရွာဘက်က တပ်ရင်း ၂ အဖွဲ့တို့က ပူး​ပေါင်းတိုက်ခိုက်ခဲ့တာလို့ သိရပါတယ်။

မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်ဖွဲ့ဝင်တွေ သေဆုံးဒဏ်ရာရတာနဲ့ ပတ်သက်ပြီး ဒီဗွီဘီက သီးခြားအတည်မပြုနိုင်သေးပါဘူး။