ပျော်ဘွယ်တွင် ရေကန်ထဲ ရေဆင်းချိုးသည့် ကလေး ၂ ဦး ရေနစ်သေဆုံး
DVB
·
November 30, 2021
မန္တလေးတိုင်း ပျော်ဘွယ်မြို့နယ် မြို့သစ်ရပ်ကွက်မှာ နိုဝင်ဘာလ ၂၉ ရက်က ရေကန်ထဲ ရေဆင်းချိုးတဲ့ ကလေး ၂ ဦး ရေနစ်သေဆုံးသွားတယ်လို့ မြို့ခံတစ်ဦးက ပြောပါတယ်။
“ရေနစ် သေဆုံးသွားတာ အသက် ၁၂ နှစ်နဲ့ ၁၄ နှစ် ကလေး ၂ ဦးပါ။ အလင်းရောင်ပရဟိတအဖွဲ့ရယ် အရပ်ထဲကလူတွေနဲ့ မီးသတ်အဖွဲ့တွေက ကူညီပြီး ရှာပေးကြတယ်။ ကလေးအလောင်းတွေကို အလင်းရောင်ပရဟိတအဖွဲ့ကပဲ ဆေးရုံပို့ပေးတယ်။”
မောင်မိုးလင်း (၁၂-နှစ်) နဲ့ မောင်သော်ဇင်ဟိန်း (၁၄-နှစ်) တို့ ရေကန်ထဲ ရေဆင်းချိုးရင်း သေဆုံးသွားခဲ့တာပါ။
ဓမ္မတာအတိုင်း သေဆုံးတာ ဟုတ်၊ မဟုတ် စုံစမ်းစစ်ဆေးဖို့ ပျော်ဘွယ်မြို့မရဲစခန်းမှာ သေမှုသေခင်း အမှုဖွင့်လှစ်ထားတယ်လို့ သိရပါတယ်။
