ဗန်းမော်မြို့တွင်း ကင်းလှည့်စစ်ကား မိုင်းဆွဲတိုက်ခိုက်ခံရ
DVB
·
November 15, 2021
ကချင်ပြည်နယ် ဗန်းမော်မြို့ရှိ မင်းကျောင်းကုန်းရပ်ကွက် ပရဟိတကန်လမ်းမှာ နိုဝင်ဘာ ၁၄ ရက်နေ့ည ၈ နာရီကျော်လောက် ကင်းလှည့်လာတဲ့ စစ်ကားတစ်စီးအား ဗန်းမော် URF က မိုင်း ၂ လုံးဆွဲတိုက်ခိုက်ခဲ့တယ်လို့ ထုတ်ပြန်ထားပါတယ်။
မိုင်းဆွဲတိုက်ခိုက်မှုကြောင့် စစ်ကားပေါ် လိုက်ပါလာတဲ့ စစ်ကောင်စီဝင်တချို့ထိ ခိုက်ဒဏ်ရာရရှိခဲ့တယ်လို့ သိရပေမယ့် သီးခြားအတည်မပြုနိုင်သေးပါဘူး။
ဗန်းမော်မြို့ခံတစ်ဦးက “မနေ့ညက မိုင်းသံလား၊ လက်နက်ကြီးသံလား မသိဘူး နှစ်ချက်ကြားလိုက်ရတယ်။ ညကတိတ်ဆိတ်နေတော့ သေနတ်သံတွေလည်း ကြားရတယ်” လို့ ပြောပါတယ်။
အဆိုပါမိုင်းဆွဲတိုက်ခိုက်ခံရတဲ့နေရာဟာ စစ်ကောင်စီရဲ့ အမှတ် ၂၁ တပ်ဂိတ်ဝအနီးမှာဖြစ်ပြီး ပစ်ခတ်မှု ဖြစ်ပွားပြီးနောက် ဖြစ်စဉ်အနီးက မင်းကျောင်းရပ်ကွက်ကို စစ်ကောင်စီတပ်တေါ အင်အားအလုံးအရင်းနဲ့ တစ်အိမ်တက်ဆင်း လိုက်လံစစ်ဆေးခဲ့တယ်လို့ သိရပါတယ်။
