စစ်ကိုင်းတိုင်း၊ မုံရွာမြို့ အိုးဘိုတောင်ရပ်ကွက်ရှိ ရဲလေ့ကျင်ရေးသင်တန်းကျောင်းကို နိုဝင်ဘာ ၁၁ ရက် ညနေ ၅ နာရီလောက်က သေနတ်နဲ့ ပစ်ခတ်တိုက်ခိုက်မှု ဖြစ်ပွားခဲ့တယ်လို့ သိရပါတယ်။

သင်တန်းကျောင်းရှေ့ကားလမ်းမပေါ်ကနေ ပစ်ခတ်ခဲ့တာဖြစ်ပြီး အခုလို ပစ်ခတ်မှုကြောင့် ရဲလေ့ကျင်ရေးသင်တန်းကျောင်း အစောင့် စစ်ကောင်စီ တပ်သားတစ်ဦးသေဆုံးခဲ့တယ်လို့ သိရပါတယ်။

ရဲလေ့ကျင့်ရေးသင်တန်းကျောင်းကို PDF-SOUTH Monywa အဖွဲ့၊ Monywa Heroes Group (MHG) နဲ့  Generation Defense Force အဖွဲ့တွေ ပူးပေါင်း  ပစ်ခတ်တိုက်ခိုက်ခဲ့တာလို့   MHG အဖွဲ့ တာဝန်ရှိသူတစ်ဦးက ပြောပါတယ်။