ကမာရွတ်မြို့နယ် နေရာအတော်များများမှာ  အောက်တိုဘာလကုန်နဲ့ နိုဝင်ဘာလဆန်းက စပြီး စစ်ကောင်စီက ရဲစခန်း၊ မီးပွိုင့်၊ လမ်းဆုံလို နေရာတွေမှာ CCTV ကင်မရာ  အသစ်တွေ တပ်ဆင်နေပြီး ပျက်စီးနေတဲ့ကင်မရာတွေကိုလည်း ပြန်လည်ပြုပြင်နေတယ်လို့ ဒေသခံတွေက ပြောပါတယ်။

မြို့လုံခြုံရေးဆိုကာ ကင်းပုန်းနေရာတွေ တိုးမြှင့်ချထားနေပြီး လှည်းတန်းမီးပွိုင့်၊ ပြည်လမ်းဂုံးတံတားအောက်မှာ ဘန်ကာအသစ်တွေကို ဆောက်လုပ်ထားတယ်လို့ ဆိုပါတယ်။ 

မြို့ထဲမှာ စစ်ကောင်စီ ကင်းပုန်းတွေဟာ မျက်ကွယ်ယူ ချုံခို စောင့်ဆိုင်းမှုတွေရှိသလို အရပ်ဝတ်နဲ့ ကင်းသမားတွေလည်း ရှိနေတယ်လို့ မြို့လူထုက ဆိုပါတယ်။

ကမာရွတ်မြို့နယ်ထဲမှာ ပြီးခဲ့တဲ့ စက်တင်ဘာလပိုင်းက ယာဉ်ထိန်းရဲရုံးတွေ ဗုံးဖောက်ခွဲခံရတာ ဖြစ်ပွားခဲ့ပါတယ်။