ကျဆုံးသူရဲကောင်းများအတွက် အမေရိကန်သံရုံး ဂုဏ်ပြု
DVB
·
October 18, 2021
မြန်မာနိုင်ငံမှာ ကျဆုံးသွားခဲ့တဲ့ သူရဲကောင်းတွေကို အသစ်ရောက်ရှိလာတဲ့ သံရုံးဒုတိယအကြီးအကဲ ဒက်ဘ်လင်းက မကြာသေးခင်က ဂုဏ်ပြုခဲ့တဲ့အကြောင်း ရန်ကုန်ရှိ အမေရိကန်သံရုံးက ထုတ်ပြန်ပါတယ်။
စစ်အာဏာသိမ်းမှုကြောင့် အသက်သေဆုံးခဲ့ကြရသူတွေအတွက် ကျဆုံးသူများ အမှတ်တရ အထိမ်းအမှတ်နေရာတစ်ခု အမေရိကန်သံရုံးဝင်းအတွင်း ပြုလုပ်ကာ ဂုဏ်ပြုခဲ့တာ ဖြစ်ပါတယ်။
အဆိုပါ အမှတ်တရအထိမ်းအမှတ်နေရာမှာ ယနေ့အထိ ကျောက်တုံးပေါင်း ၁၃၀၀ ကျော်ရှိနေပြီဖြစ်ပြီး ကျောက်တုံးတစ်တုံးစီဟာ ကျဆုံးခဲ့ရသူ တစ်ဦးချင်းစီကို ကိုယ်စားပြုတယ်လို့ အမေရိကန်သံရုံးရဲ့ လူမှုကွန်ရက်မှာ ရေးသားထားပါတယ်။
