ရွှေဘိုမြို့နယ်တွင် ပျူစောထီး ခေါင်းဆောင် ၁ ဦး အသတ်ခံရ
DVB
·
October 15, 2021
စစ်ကိုင်းတိုင်း၊ ရွှေဘိုမြို့နယ်၊ ပန်းရံကျေးရွာမှာ ပစ္စတိုသေနတ်ကိုင် ပျူစောထီးခေါင်းဆောင် ၁ ဦး အောက်တိုဘာ ၁၄ ရက် ညနေ ၅ နာရီလောက်က အသတ်ခံခဲ့ရပါတယ်။
အသတ်ခံရသူဟာ ပန်းရံကျေးရွာက အသက် ၅၀ အရွယ် ဦးထွန်းတင့် ဖြစ်ပြီး မနေ့ညနေ ၅ နာရီလောက်က ကျားရွာနဲ့ လိပ်ချင်းရွာအကြားမှာ အသတ်ခံရတယ်လို့ ဒေသခံတွေဆီက သိရပါတယ်။
“သူက ပစ္စတိုသေနတ်ခါးကြားထိုးပြီး တကားကား လုပ်နေတာကြာပြီ။ ပျူစောထီးအကြီးစား။ စစ်ကောင်စီသတင်းပေး ဒလန်ဗျ ။ အဲဒီနားပတ်ပတ်လည်ရွာတွေ မလှုပ်ရဲတာသာကြည့်တော့” လို့ ဒေသခံတစ်ဦးက ပြောပါတယ်။
King Cobra-Khin U (တောကြီးမြွေဟောက်အဖွဲ့-ခင်ဦး)အဖွဲ့အနေကတော့ ၃၄ ယောက်မြောက်သုတ်သင် ရှင်းလင်းလိုက်တာလို့ ထုတ်ပြန်ထားပါတယ်။
