ပွင့်ဖြူမြို့နယ်တွင် ရွာသား ၂ ဦးကို အကြမ်းဖက်စစ်တပ်က ရိုက်နှက်ဖမ်းဆီး
DVB
·
October 14, 2021
မကွေးတိုင်းဒေသကြီး၊ ပွင့်ဖြူမြို့နယ်၊ လယ်မကျေးရွာမှာ အောက်တိုဘာ ၁၃ ရက်ညက ဒေသခံပြည်သူ ၂ ယောက်ကို အကြမ်းဖက်စစ်တပ်က ရိုက်နှက်ဖမ်းဆီးသွားတယ်လို့ ဒေသခံတွေဆီကနေ သိရပါတယ်။
လယ်မကျေးရွာမှာ မနေ့ ည ၁၀ နာရီလောက်က ကျောင်းကုန်းကြီးရွာသား ကိုကျော်ဆန်းမိုးနဲ့ အိမ်ရှင်ဖြစ်တဲ့ မောင်ထိုက်တို့ကို အကြမ်းဖက်စစ်တပ်က ရိုက်နှက်ဖမ်းဆီးသွားတာလို့ ရွာခံတစ်ယောက်က ပြောပါတယ်။
ပွင့်ဖြူမြို့နယ် ကံသာကြီးရွာမှာလည်း အောက်တိုဘာလ ၁၀ ရက်နေ့က အကြမ်းဖက်စစ်တပ်က ပစ်ခတ်ဖမ်းဆီးတာကြောင့် လူငယ်တစ်ယောက် သေဆုံးခဲ့ရပြီး ၄ ယောက် ဒဏ်ရာရရှိခဲ့ပါတယ်။
ပွင့်ဖြူမြို့နယ်ထဲမှာ စစ်ကောင်စီသတင်းပေး ဒလန်တွေက PDF နဲ့ ဆက်စပ်တယ်ဆိုပြီးတော့ သတင်းပေးတာကြောင့် ဒေသခံပြည်သူတွေကို အကြမ်းဖက်စစ်တပ်က မကြာခဏ ဖမ်းဆီးတာတွေ ပြုလုပ်နေတယ်လို့ သိရပါတယ်။
