လှိုင်မြို့နယ်တွင် ဗုံးနှစ်ကြိမ်ပေါက်ကွဲ၊ ရဲတပ်ဖွဲ့မှူးအပါအဝင် ၃ ဦးဒဏ်ရာရ
DVB
·
October 9, 2021
ရန်ကုန်တိုင်း လှိုင်မြို့နယ်၊ အင်းစိန်လမ်း အမှတ် (၉) ရပ်ကွက်အုပ်ချုပ်ရေးမှူးရုံးရှေ့မှာ အောက်တိုဘာ ၉ ရက် ညနေပိုင်းက ဗုံးနှစ်ကြိမ်ပေါက်ကွဲမှု ဖြစ်ပွားခဲ့ပါတယ်။
ပထမအကြိမ်ပေါက်ကွဲမှုကြောင့် အမှိုက်ကောက်သူ ဇော်မျိုးထွန်း လက်ပြတ်ထွက်ပြီး ဒုတိယအကြိမ်ပေါက်ကွဲရာမှာ မြို့နယ်ရဲတပ်ဖွဲ့မှူးနဲ့ တပ်ဖွဲ့ဝင်တစ်ဦး ဒဏ်ရာရခဲ့တယ်လို့ ဒေသခံတဦးက ပြောပါတယ်။
"ညနေ ၃ နာရီလောက် ပေါက်တာ။ ပထမဆုံးပေါက်တော့ အမျိုးသမီး တစ်ဦး လက်ကောက်ဝတ်က ပြတ်သွားတယ်။ အဲဒါကို လာစစ်ဆေးတဲ့ မြို့နယ်ရဲမှူးလည်း စစ်ဆေးနေတုန်း ဒုတိယအကြိမ်ထပ်ပေါက်တော့ ဗုံးစထိမှန်ခဲ့တယ်။”
ဗုံးပေါက်ကွဲမှုအပြီးမှာ စစ်ကောင်စီတပ်ဖွဲ့ဝင်တွေက အနီးနားပတ်ဝန်းကျင်ကို စုံစမ်းစစ်ဆေးမေးမြန်းတာတွေ ပြုလုပ်နေပြီး ဗုံးဖောက်ခွဲမှုကို ဘယ်အဖွဲ့က ပြုလုပ်တယ် ဆိုတာကတော့ မသိရသေးပါဘူး။
