တံတားဦးမြို့နယ်တွင် မိုင်တဲလ်တာဝါတိုင် မိုင်းခွဲခံရ
DVB
·
October 1, 2021
မန္တလေးတိုင်း တံတားဦးမြို့နယ် သူငယ်တော်ကျေးရွာ အနီးရှိ စစ်ကောင်စီထောက်တိုင် ဖြစ်တဲ့ မိုင်တဲလ်တာဝါတိုင်တစ်ခု အောက်တိုဘာလ ၁ ရက် မွန်းတည့် ၁၂ နာရီလောက်က မိုင်းခွဲဖျက်ဆီးခံလိုက်ရပါတယ်။
တာဝါတိုင်ကို နှစ်ဆင့်ကာထားတဲ့ ဝါးထရံ၊ သံဇကာတွေကို မီးရှို့ဖျက်ဆီးပြီး စက်ပုံးတွေကို မိုင်းခွဲဖျက်ဆီးခဲ့လာလို့ တံတားဦးပြည်သူ့ကာကွယ်ရေး (TPDF) က ထုတ်ပြန်ထားပါတယ်။
တံတားဦး ပြည်သူ့ကာကွယ်ရေးတပ် (TPDF) ဟာ ပြည်သူတွေအတွက် ရရာလက်နက် ဆွဲကိုင်ပြီး စစ်အာဏာရှင်စနစ်ဆိုးပျက်သုဉ်းသွားတဲ့ထိ တိုက်ပွဲဝင်သွားမယ်လို့ တာဝန်ရှိသူ တစ်ဦးက ဆိုပါတယ်။
မိုင်တဲလ်တာဝါတိုင် မိုင်းခွဲဖျက်ဆီးခံရပြီး မကြာခင်မှာ အာဏာသိမ်းစစ်ကောင်စီရဲ့ အကြမ်းဖက် လက်နက်ကိုင်တွေ ရောက်လာပြီး စစ်ဆေးသွားတယ်လို့ သိရပါတယ်။
