မွန်ပြည်နယ် ရေးမြို့ ရေးချောင်းတောင်မြစ်ကူးတံတားမှာ စက်တင်ဘာ ၂၈ ရက် ည ၇ နာရီကျော်လောက်က လုံခြုံရေးယူနေတဲ့ စစ်ကောင်စီတပ်ရဲ့ သေနတ်ပစ်ခတ်မှုကြောင့် ဒေသခံ ၁ ဦး သေဆုံးသွားတယ်လို့ သိရပါတယ်။
ဒေသခံ သားအဖ နှစ်ယောက် ဆိုင်ကယ်နဲ့ ချောင်းတောင်ကို သွားစဉ် စစ်ကောင်စီတပ်တွေက သေနတ်ဒင်နဲ့ ရိုက်နှက်စစ်ဆေးရာမှ သားဖြစ်သူ ထွက်ပြေးတဲ့အတွက် သေနတ် ၅ ချက် ပစ်ခတ်ခဲ့တာဖြစ်ပြီး ဒဏ်ရာတွေနဲ့ သေဆုံးခဲ့ကာ ဖခင်ဖြစ်သူကတော့ ဒဏ်ရာရတာမရှိဘူးလို့ ဒေသခံတွေက ပြောပါတယ်။
ပြီးခဲ့တဲ့ ရက်တွေကလည်း စစ်ကောင်စီတပ်တွေ အဆိုပါ တံတားမှာ လုံခြုံရေးယူနေစဉ် PDF ရဲ့ ဗုံးခွဲတိုက်ခိုက်ခံရပြီးတဲ့နောက် တံတားပေါ်မှာ ဖြတ်သန်းသွားလာနေကြတဲ့သူတွေကို အရင်ထက် လုံခြုံရေး ပိုမိုတင်းကျပ် စစ်ဆေးနေတာလို့ ဆိုပါတယ်။
အဆိုပါ တံတားမှာ ပြီးခဲ့တဲ့ရက်ကလည်း သာမန်အရပ်အရပ်သား ၁ ဦးကို ရေး PDF တပ်သားဆိုပြီး အကြမ်းဖက်စစ်ကောင်စီတပ်က ပစ်သတ်ခဲ့တယ်လို့ သိရပါတယ်။
