ဧရာဝတီတိုင်း၊ ပုသိမ်မြို့မှာ စက်တင်ဘာလ ၂၈ ရက်နေ့ညပိုင်းက မိုင်တဲလ်တာဝါတိုင် ပထမဆုံးအကြိမ် မိုင်းခွဲဖျက်ဆီးခံခဲ့ရတယ်လို့ သိရပါတယ်။
စိန်တောင်ကျေးရွာ ပုသိမ် - မော်တင်ကားလမ်းဘေးမှာရှိတဲ့ စစ်အုပ်စုပိုင် မိုင်တဲလ်တာဝါတိုင်ကို ည ၇ နာရီလောက်မှာ မိုင်းခွဲဖျက်ဆီးခဲ့တယ်လို့ မိုင်းခွဲရာမှာ ပါဝင်သူတဦးက ပြောပါတယ်။
“သလပ်ခွာ စိန်တောင်က ၁၄ မိုင် ၆ ဖာလုံက တာဝါတိုင်ကို ဖောက်ခွဲခဲ့တာပါ။ ၂ ဖွဲ့ပေါင်းပြီးလုပ်တာပါ။ တာဝါတိုင်စက်ဖုံးကွဲသွားပြီး အောက်ခြေပိုင်းတော့ ပျက်စီးသွားတယ်” လို့ ပြောပါတယ်။
မိုင်တဲလ်တာဝါတိုင်းကို ဧရာဝတီမြစ်ဝကျွန်းပေါ်တော်လှန်ရေးတပ်ဖွဲ့နဲ့ ဧရာ ၁၄ အဖွဲ့တို့ ပူးပေါင်းမိုင်းခွဲခဲ့တာဖြစ်ပြီး နောက်ထပ်လည်း စစ်ကောင်စီကို ထောက်ခံပေးနေတဲ့ အရာတွေအားလုံးကို ဖျက်ဆီးဖို့ရှိတယ်လို့ ဆိုပါတယ်။
ပုသိမ်မြို့နယ်မှာ စစ်အုပ်စုပိုင်းမိုင်တဲလ်တာဝါတိုင်း မိုင်းခွဲခံရတာ ပထမဆုံးအကြိမ်ဖြစ်ပြီး ဧရာဝတီတိုင်းထဲမှာတော့ ဒုတိယအကြိမ် မြောက်ဖြစ်တယ်လို့ သိရပါတယ်။
