စစ်ကိုင်းတိုင်း ယင်းမာပင်ခရိုင် ပုလဲမြို့နယ်အတွင်းမှာရှိတဲ့ မိုင်တဲလ်တာဝါတိုင် ၄ တိုင်ရဲ့ စက်​တွေ စက်တင်ဘာ ၇ ရက် ညပိုင်းက  မိုင်းခွဲဖျက်ဆီးခံရတယ်လို့ သိရပါတယ်။

ဒေသခံတဦးက “စက်တင်ဘာ ၇ ရက်ည ၁၁ နာရီ​ကျော်​လောက်မှာ မိုင်တဲလ်တာဝါတိုင်စက်​​တွေကို မိုင်းခွဲဖျက်ဆီးခံလိုက်ရတာ။ ဘယ်အဖွဲ့က လုပ်တယ်လို့​တော့ မသိဘူး” လို့ ပြောပါတယ်။

ဖောက်ခွဲဖျက်ဆီးခံရတဲ့ တာဝါတိုင်​​တွေက​တော့ ထန်းခင်းကြီး​ကျေးရွာ၊ ရွာသစ်​ကျေးရွာ၊ ​ခေါ်သန္တီ​ကျေးရွာ၊ နဂါးမ​တောင်​ကျေးရွာ စတဲ့ ​ကျေးရွာ​တွေအနီးက တာဝါတိုင်စက်​တွေဖြစ်တယ်လို့ ​ဆိုပါတယ်။

လက်တ​လောရက်​တွေမှာ ​နေရာအတော်များများက မိုင်တဲလ်တာဝါတိုင်​စက်တွေ ဖျက်ဆီး ခံ​နေရပြီး ယင်းမာပင်ခရိုင်အတွင်း ပုလဲမြို့နယ်က ၄ တိုင် နဲ့ ယင်းမာပင်မြို့နယ်က ၂ တိုင် ဖြစ်ပါတယ်။