​တောင်တွင်းကြီးမြို့မှာ အာဏာသိမ်းစစ်​ကောင်စီကခန့်တဲ့ ​မောင်းတိုင် ၂ ရပ်ကွက်အုပ်ချုပ်​ရေးမှူး ဦး​ဌေးငွေဟာ သြဂုတ်လ ၂၃ ရက်​နေ့က နုတ်ထွက်လိုက်တယ်လို့ သိရပါတယ်။

ရပ်ကျေးအုပ်ချုပ်ရေးမှူးတွေနဲ့နီးစပ်သူတဦးက ''စစ်ကောင်စီတပ်တွေက ကျနော်တို့ရဲ့လုံခြုံရေးကို ကောင်းကောင်းမပေးနိုင်တော့ဘူး။ အ​ခြေအ​နေကြည့်ပြီး နောက်ထပ်လည်း ရပ်ကျေးအုပ်ချုပ်ရေးမှူးတွေနဲ့ ရပ်ကျေးအုပ်ချုပ်ရေးအဖွဲ့ ရာအိမ်မှူးတွေထဲကလည်း နုတ်ထွက်ကြမယ့်သူ​တွေရှိနေတယ်'' လို့ ပြောပါတယ်။

သြဂုတ်လ ၅ ရက်​နေ့က ​တောင်တွင်းကြီးမြို့၊ နတ်​မောက်လမ်း​ပေါ်မှာရှိတဲ့ ​​​မောင်းတိုင် ၂ ရပ်ကွက်အုပ်ချုပ်​ရေးမှူး​ ဦး​ဌေး​ငွေ ရဲ့နေအိမ်ကို ဗိဿနိုးနယ်​မြေ ပြည်သူ့ကာကွယ်​ရေး တပ်မ​တော်က ဗုံး​ဖောက်ခွဲသတိ​ပေးခဲ့ပြီးတဲ့​နောက်မှာ အခုလို နုတ်ထွက်တာလို့ သိရပါတယ်။

ဗိဿနိုးနယ်​မြေပြည်သူ့ကာကွယ်​ရေးတပ်မ​တော်ရဲ့ ပြန်ကြား​ရေးတာဝန်ခံက ''​ဒီ​ကောင်​တွေ ကို ​စောင့်ကြည့်ဦးမှာ၊ နုတ်ထွက်တယ်ဆိုတိုင်းလည်း ဒီတိုင်းလွှတ်မထားဘူး။ တောင်တွင်းကြီး မြို့နယ်က ရပ်ကွက် ၁၀ ခုနဲ့ ​ကျေးရွာအုပ်စု ၇၂ အုပ်စုက စစ်​ကောင်စီရဲ့ ​အောက်​ခြေ ​ထောက်တိုင်ဖြစ်တဲ့ စစ်​ကောင်စီခန့်အုပ်ချုပ်​ရေးမှူး​တွေနဲ့ ​ပြည်သူ့​လောက်​ကောင် ဒလန်​တွေကို ဆက်လက်နှိမ်နင်းရှင်းလင်းသွားမယ်” လို့ ​ပြောပါတယ်။

​ တောင်တွင်းကြီးမြို့က ​ရွှေအိုး ၁ ရပ်ကွက်အုပ်ချုပ်​ရေးမှူးရုံးအတွင်းမှာလည်း ပြီးခဲ့တဲ့ သြဂုတ်လ ၂၁ ရက်​နေ့က ရာအိမ်မှူး ဦး​ဇော်လတ်ဟာ ​သေနတ်နဲ့ပစ်သတ်ခံရပြီး ​နေရာမှာတင် ​သေဆုံးခဲ့​တယ်လို့ ​ဒေသခံ​တွေဆီကသိရပါတယ်။