ရွှေဘိုမြို့တွင် ရဲကားတစ်စီး တံတားကို ဝင်တိုက်ပြီး ရဲ ၁ ဦး သေဆုံး
DVB
·
July 22, 2021
စစ်ကိုင်းတိုင်း၊ ရွှေဘိုမြို့မှာ ဇူလိုင် ၂၂ ရက် ညနေပိုင်းက အရက်မူးပြီးမောင်းလာတဲ့ ရဲကားတစီးက တံတားကို ဝင်တိုက်မိပြီး ရဲတပ်ဖွဲ့ဝင် တစ်ယောက် သေဆုံးသွားပါတယ်။
ရွှေဘိုမြို့ ကားကြီးဝင်းမြောက်ဘက် မူးဘောင်တံတား ဘေးဘက်က အရံအတားကို ရဲကား က ဝင်တိုက်ခဲ့တာလို့ မျက်မြင်တစ်ဦးက ပြောပါတယ်။
“အခုညနေ ၄ နာရီခွဲလောက်ဖြစ်ပွားတာ သူတို့ မူးနေတယ်။ အခုဖြစ်တဲ့နေရာက ရွေဘိုမြို့ ကားကြီးဝင်း မြောက်ဘက် မူးဘောင်တံတားကို ဝင်တိုက်ပြီး ရဲတစ်ယောက် အဲဒီနေရာမှာ ပွဲချင်းပြီး သေဆုံးသွားတယ်။ ၁ ယေက်က ရေထဲကျသွားတယ် အခုရှာဖွေနေတုန်း။ တယောက်က ပြင်းထန်ဒဏ်ရာရတယ်။”
သေဆုံးတဲ့သူနဲ့ ပြင်းထန်ဒဏ်ရာရတဲ့သူကို ရဲတပ်ဖွဲ့က ရွှေဘိုပြည်သူ့ဆေးရုံကို ခေါ်ဆောင်သွားတယ်လို့ ဆိုပါတယ်။
