စစ်ကောင်စီခန့် မန္တလေးမြို့တော်ဝန် ကိုဗစ်-၁၉ ကူးစက်ခံရ
DVB
·
July 22, 2021
မန္တလေးတိုင်းဒေသကြီး စစ်ကောင်စီရဲ့ စည်ပင်သာယာရေးဝန်ကြီး၊ မြို့တော်ဝန် ဦးကျော်ဆန်းဟာ ဇူလိုင် ၂၂ ရက်က ကိုဗစ်-၁၉ ရောဂါပိုးတွေ့ရှိတဲ့အတွက် မန္တလေးအထွေထွေရောဂါကုဆေးရုံကြီးမှာ ဆေးကုသမှုခံယူနေရတယ်လို့ နီးစပ်သူတွေဆီကနေ သိရပါတယ်။
စစ်ကောင်စီမြို့တော်ဝန်အနေနဲ့ ဘယ်က ကူးစက်တယ်ဆိုတာ မသိရဘဲ လက်ရှိမှာ ကျန်းမာရေး ကောင်းမွန်တဲ့အခြေအနေ ရှိနေတယ်လို့ သိရပါတယ်။
ဇူလိုင် ၂၁ ရက်နေ့ကလည်း မန္တလေးတိုင်းဒေသကြီး စစ်ကောင်စီဥက္ကဋ္ဌ ဦးမောင်ကိုမှာ ကိုဗစ်ပိုးတွေ့ခဲ့တာကြောင့် ဆေးရုံတက်ကုသမှု ခံယူနေရပါတယ်။
မန္တလေးအထွေထွေရောဂါကုဆေးရုံကြီးမှာ ဇွန် ၅ ရက်နေ့ကနေ ဇူလိုင် ၂၂ ရက် ညနေပိုင်းအထိ ကိုဗစ်အတည်ပြုလူနာ ၅၅၆ ဦး၊ ၁၄၇ ဦး သေဆုံးပြီး ၁၆၃ ဦး ဆေးကုသမှုခံယူနေဆဲ ဖြစ်တယ်လို့ သိရပါတယ်။
