ရေးမြို့နယ် သောင်ပြင်ကျေးရွာတွင် မီးလောင်၊ နေအိမ် ၈ လုံးခန့် ဆုံးရှုံး
DVB
·
June 29, 2021
မွန်ပြည်နယ်၊ ရေးမြို့နယ်၊ လမိုင်းမြို့ သောင်ပြင်ကျေးရွာမှာ ဇွန် ၂၉ ရက်နေ့က မနက် ၉ နာရီခွဲဝန်းကျင်က မီးစတင်လောင်ကျွမ်းမှုဖြစ်ပွားခဲ့ပြီး နေအိမ် ၈ လုံးလောက် ဆုံးရှုံးခဲ့တယ်လို့ ဒေသခံတွေက ပြောပါတယ်။
လျှပ်စစ်ဝါယာရှော့ အပူလွန်ကဲရာကနေတဆင့် မီးစတင်လောင်ကျွမ်းခဲ့တာဖြစ်ပြီး မီးသတ်တပ်ဖွဲ့ဝင်တွေနဲ့ ဒေသခံပြည်သူတွေက မီးကို ၁ နာရီနီးပါးလောက် ငြှိမ်းသတ်ခဲ့ရပါတယ်။
လူ၊ တိစ္ဆာန် ထိခိုက်သေဆုံးမှုမရှိဘဲ မီးလောင်မှုဖြစ်စဉ် အသေးစိတ်တွေကို သက်ဆိုင်ရာ အာဏာပိုင်အဖွဲ့အစည်းတွေက စုံစမ်းစစ်ဆေးနေပါတယ်။
