စစ်ကိုင်းမြို့ ရွှေမင်းဝံဈေးအနီး ဗုံး ၃ လုံးတွေ့ရှိ
DVB
·
June 23, 2021
စစ်ကိုင်းမြို့၊ ရွှေမင်းဝံရပ်ကွက်ဈေးအနီး ဇွန်လ ၂၃ ရက် မနက်ပိုင်းက မပေါက်ကွဲသေးတဲ့ ဗုံး ၃ လုံးတွေ့ရှိခဲ့တယ်လို့ ဒေသခံတွေရဲ့ ပြောပြချက်အရ သိရပါတယ်။
“အခုမနက် ၆ နာရီလောက်ကတွေ့တယ်။ ဈေးရှေ့တစ်လုံး၊ ဈေးဘေးလမ်းတစ်ဘက်စီ နှစ်လုံး စျေးသည် တစ်ယောက်ကတွေ့လို့ အကြောင်းကြားခဲ့တာ။ ဗုံးက မပေါက်ဘူး” လို့ ရွှေမင်းဝံရပ်ကွက်နေသူတစ်ဦးက ပြောပါတယ်။
အခုဗုံးတွေ့ရှိတဲ့နေရာကို စစ်တပ်က ရောက်ရှိလာပြီး ဗုံးရှင်းနေကာ လမ်းတွေကိုလည်း ပိတ်ထားပြီး လမ်းသွားလမ်းလာတွေကို စစ်ဆေးနေပါတယ်။
