ဖားကန့်တဝိုက် စစ်ရဟတ်ယာဉ်ပျံဝဲနေ
DVB
·
June 18, 2021
ကချင်ပြည်နယ်၊ ဖားကန့်မြို့နဲ့ အနီးတဝိုက်ကို ဒီနေ့ ဇွန်လ ၁၈ ရက်နေ့ မွန်းလွဲပိုင်းက စစ်ရဟတ်ယာဉ် ၂ စီးလာရောက်ပျံဝဲနေတယ်လို့ ဒေသခံတွေကပြောပါတယ်။
တိုက်ခိုက်ရေးရဟတ်ယာဉ် ၁ စီးနဲ့ ရိုးရိုး ရဟတ်ယာဉ် ၁ စီးဖြစ်ပြီး ဗျူဟာကုန်းမှာ ၁ စီးဆင်းသွားတာမြင်ရတယ်လို့ ဆိုပါတယ်။
ဖားကန့်၊ လုံးခင်း၊ မှော်စီစာတဝိုက် ဝဲပျံခဲ့ပြီး ဗျူဟာကုန်းမှာ ဆင်းတဲ့ရဟတ်ယာဉ်က ဘာပစ္စည်းတွေ တွေချသွားတယ်ဆိုတာကို အတည်ကျမသိရသေးပါဘူး။
ဖားကန့်မြို့ပေါ်တဝိုက်မှာ နာရီဝက်ခန့်ကြာ ပျံသန်းပြီးနောက်ပိုင်း ၂ စီးအတူပြန်သွားတယ်လို့ ဒေသခံတွေက ပြောပါတယ်။
