ရဲ ၁ ဦးသေ၊ ၂ ဦးဒဏ်ရာရသည့်ပစ်ခတ်မှုလုပ်ဆောင်ခဲ့ဟု သိမ်ဇရပ် PDF ကြေညာ
DVB
·
June 15, 2021
မွန်ပြည်နယ်၊ ကျိုက်ထိုမြို့နယ်၊ ကဒတ်ချောင်းကျေးရွာမှာ ဇွန်လ ၁၄ ရက် နေ့လယ်ပိုင်းက ရဲ ၁ ဦး သေဆုံး၊ ၂ ဦး ဒဏ်ရာရခဲ့တဲ့ပစ်ခတ်မှုဟာ သူတို့ရဲ့ လက်ချက်ဖြစ်တယ်လို့ သိမ်ဇရပ်ပြည်သူ့ကာကွယ်ရေးတပ်ဖွဲ့က ထုတ်ပြန်လိုက်ပါတယ်။
ကဒတ်ချောင်းရွာ အရက်ဆိုင်မှာ အရပ်ဝတ်နဲ့ အရက်ထိုင် သောက်နေတဲ့ ကင်းမွန်စခန်းနယ်မြေ ဒုရဲအုပ်နဲ့ ရဲတပ်ဖွဲ့ဝင်တွေကို PDF တပ်ဖွဲ့ဝင်တွေက ဝင်ရောက် တိုက်ခိုက်ခဲ့တာ ဖြစ်ပြီး ဒုရဲအုပ် ထွက်ပြေးလွတ်မြောက်သွားတယ်လို့ ဆိုပါတယ်။
အခုလို ဝင်ရောက် တိုက်ခိုက်ရတာဟာ အကြမ်းဖက် စစ်အုပ်စုက ပြီးခဲ့တဲ့ရက်ပိုင်းတုန်းက ကျိုက်ထိုက အပြစ်မဲ့ပြည်သူတွေကို ဝင်ရောက် ဖမ်းဆီးခဲ့လို့ လုပ်ဆောင်ရတာလို့ ဆိုပါတယ်။
အဲဒီ ပစ်ခတ်မှုကြောင့် ရဲတပ်သား ၁ ဦး ပွဲချင်းပြီး သေဆုံးခဲ့ကာ ကျန် ၂ ဦး ဒဏ်ရာရခဲ့လို့ ကျိုက်ထိုပြည်သူ့ဆေးရုံကို ပို့ဆောင်ထားပါတယ်။
