ဧရာဝတီတိုင်း၊ ကြံခင်းမြို့နယ်၊ အန်အယ်လ်ဒီ မြို့နယ်အလုပ်အမှု​ဆောင် ဦးစိုးတင့်ကို  ဇွန်လ ၁၁ ရက် ညနေ ၃ နာရီကျော်လောက်မှာ အကြမ်းဖက်စစ်တပ်က ဖမ်းဆီးသွား​ပါတယ်။

"သူအိမ်မှာ စစ်တပ်နဲ့ရဲက ဖမ်းသွားတာပါ။ အခုဆို အာဏာသိမ်းပြီး စစ်တပ်က မတရားအမှုဆင် ဖမ်းတာ ၈ ​ယောက်​လောက်ရှိပြီး။ ဒလန်​တွေ​ကြောင့် ဖမ်းခံရတာ” လို့ ကြံခင်းမြို့​​ခံတစ်ဦးက​ ပြောပါတယ်။

ကြံခင်းမြို့နယ်မှာ အန်အယ်လ်ဒီမြို့နယ်အလုပ်အမှု​ဆောင် ဒုဥက္ကဋ္ဌနဲ့ မြို့နယ်အလုပ်အမှု​ဆောင်တွေ၊ ရပ်​ကျေးဥက္ကဋ္ဌတွေအပါအဝင် နိုင်ငံ​ရေးတက်ကြွသူ ၈  ဦးလောက်လည်း ဖမ်းဆီးခံထားရပြီး  ဖမ်းဆီးခံရသူတွေအထဲမှာ  အမျိုးသမီးတစ်ဦး ပါဝင်ပါတယ်။

ကြံခင်းမြို့နယ်မှာ အာဏာသိမ်းပြီး​နောက် ဖမ်းဆီးခံရသူတွေကို  စစ်ကောင်စီက ပုဒ်မ ၅၀၅(က)၊ ၁၂၄ တို့နဲ့အမှုဖွင့်ပြီး ဟင်္သာတ အကျဉ်းထောင်မှာ ဖမ်းဆီးထား​ပါတယ်။