ရွှေဘိုမြို့နယ် အန်အယ်လ်ဒီဥက္ကဋ္ဌကို အကြမ်းဖက်စစ်အုပ်စုက ထောင်ဒဏ် ၃ နှစ်ချ
DVB
·
June 5, 2021
စစ်ကိုင်းတိုင်း၊ ရွှေဘိုမြို့နယ် အန်အယ်လ်ပါတီ ဥက္ကဋ္ဌ ဦးခင်မောင်ရွှေကို အကြမ်းဖက်စစ်အုပ်စုက ထောင်ဒဏ် ၃ နှစ်ချမှတ်လိုက်တယ်လို့ ရွှေဘိုအန်အယ်လ်ဒီပါတီ အသိုင်းအဝန်းက နေသိရပါတယ်။
ဦးခင်မောင်ရွှေကို မေလ ၃ ရက်နေ့ကတည်းက စစ်အုပ်စုက ဖမ်းဆီးကာ ရာဇသတ်ကြီးပုဒ်မ ၅၀၅(က)နဲ့ တရားစွဲကာ ဇွန်လ ၄ ရက်နေ့မှာ အမှုကို အပြီးသတ်စစ်ဆေးပြီး ထောင်ဒဏ် ၃ နှစ် ပြစ်ဒဏ် ချမှတ်လိုက်တာပါ။
“ကျမတို့ သိရသလောက်ကတော့ အမှုရင်ဆိုင်နေတဲ့အချိန်ကနေ အမိန့်ချတဲ့အချိန်အထိ မိသားစုဝင်တွေနဲ့ ပေးတွေ့တာမရှိဘူး။ မနေ့က သူ့သမီးအကြီးတော့ သက်သေပါလို့ သူ့အဖေနဲ့ ၅ မိနစ်လောက်တော့ ခဏပြောလိုက်ရတယ်လို့တော့ သိရတယ်။ ကျန်းမာရေးလည်း ကောင်းတယ်”လို့ ရွှေဘိုမြို့နယ် အန်အယ်လ်ဒီ ပါတီဝင် တစ်ဦးက ပြောပါတယ်။
