ရေစကြို၊ မအူအလယ်ကျေးရွာ သပိတ်ခေါင်းဆောင်နေအိမ်ကို အကြမ်းဖက်စစ်တပ်က ဝင်မွှေ
DVB
·
June 2, 2021
မကွေးတိုင်း၊ ရေစကြိုမြို့နယ်၊ မအူအလယ်ရွာက သပိတ်ခေါင်းဆောင် ဦးဝေယံနိုင်ရဲ့ နေအိမ်ကို ဇွန်လ ၁ ရက်နေ့ ညက အကြမ်းဖက်စစ်ကောင်စီတပ်ဖွဲ့တွေ ဝင်ရောက်မွှေနှောက်ရှာဖွေသွား တယ်လို့ သိရပါတယ်။
မအူအလယ်ရွာကို ည ၁၁ နာရီ ၄၅ မိနစ်လောက်မှာ စစ်တပ်က ကား ၃ စီးနဲ့ ရောက်လာကာ စစ်အာဏာရှင်ဆန့်ကျင်သပိတ်ခေါင်းဆောင် ဦးဝေယံနိုင်ရဲ့ နေအိမ်က ပစ္စည်းတွေကို မွှေနှောက်ရှာဖွေပြီးတော့ ဗိုလ်ချုပ်အောင်ဆန်းဓာတ်ပုံကိုလည်း ဆုတ်ဖြဲသွားတယ်လို့ ဦးဝေယံနိုင်က ဒီဗွီဘီကို ပြောပါတယ်။
