ကန်ကြီးထောင့် မြို့မစျေးကြီး မီးလောင်
DVB
·
June 1, 2021
ဧရာဝတီတိုင်းဒေသကြီး၊ ကန်ကြီးထောင့်မြို့၊ အမှတ်(၁)ရပ်ကွက်၊ မြို့မစျေးမှာ ဇွန်လ ၁ ရက်နေ့ မနက်အစောပိုင်း ၃ နာရီခွဲလောက်က မီးလောင်မှုဖြစ်ပွားခဲ့ပါတယ်။
မီးလောင်မှုကို ကန်ကြီးထောင့်မြို့နယ် မီးသတ်စခန်းမှ မီးသတ်ယာဉ်(၅)စီး အပြင် ဒါးကနယ်က မီးသတ်ယာဉ်(၂)စီး၊ ကျောင်းကုန်းမြို့နယ်က မီးသတ်ယာဉ်(၂)စီး၊ ပုသိမ်က မီးသတ်ယာဉ်(၃)စီး၊ အိမ်မဲမြို့နယ်က မီးသတ်ယာဉ်(၂)စီးနဲ့ ပန်းတနော်မြို့နယ်က မီးသတ်ယာဉ်(၂)စီးနဲ့ မီးငြှိမ်းသတ်ခဲ့ရတယ်လို့ မီးသတ်တပ်ဖွဲ့က ထုတ်ပြန်ပါတယ်။
ဒီမနက် ၄ နာရီ ၁၅ မိနစ်မှာ မီးထိန်းနိုင်ခဲ့ပြီး ၄ နာရီ ၃၅ မိနစ်မှာ မီးငြိမ်းသွားပြီး ဈေးဆိုင်ခန်းတွေ အတော်များများ မီးထဲပါသွားခဲ့ပါတယ်။ မီးလောင်မှုကြောင့် ပျက်စီးဆုံးရှုံးမှု ပဏာမကိုတော့ အတိအကျမသိရသေးပါဘူး။
