မြို့သာမြို့၌ ရပ်ကွက်အုပ်ချုပ်ရေးမှူး ၁ ဦး ဓားထိုးခံရ
DVB
·
May 31, 2021
မန္တလေးတိုင်း၊ ငါန်းဇွန်မြို့နယ်၊ မြို့သာမြို့ အမှတ် (၄) ရပ်ကွက် အုပ်ချုပ်ရေးမှူး ဦးဝင်းနိုင်ဟာ မေ ၃၁ ရက် နေ့လယ်ပိုင်းက ဓားနဲ့ ထိုးခံရပြီး သေဆုံးသွားပါတယ်။
ရပ်ကွက်အုပ်ချုပ်ရေးမှူး ဦးဝင်းနိုင်ကို ရဲစခန်းရှေ့ ဘီယာဆိုင်မှာ အမည်မသိ လူတစ်စု က ဓားနဲ့ထိုးသွားတာဖြစ်ကာ ထိုးခံရတဲ့ ဓားဒဏ်ရာနဲ့ သေဆုံးခဲ့တာလို့ ဒေသခံတွေထံက သိရပါတယ်။
ဦးဝင်းနိုင်ဟာ အရင် စစ်တပ်က အာဏာမသိမ်းခင်က အုပ်ချုပ်ရေးမှူးဖြစ်တဲ့အပြင် အခုလက်ရှိ စစ်ကောင်စီကလည်း အုပ်ချုပ်ရေးမှူးအဖြစ် ဆက်လက်ခန့်ထားခံရသူ ဖြစ်ပါတယ်။
