ရဲကားကို ထော်လာဂျီ ဝင်တိုက်၊ မောင်းသူ ဖမ်းခံရ
DVB
·
May 29, 2021
မန္တလေးတိုင်း မိုးကုတ်မြို့တောင်နီကွေ့ရပ်ကွက်အနီးမှာ မေ ၂၉ ရက်မနက်ပိုင်းက ရဲကား တစ်စီးကို ထော်လာဂျီတစ်စီးက ဝင်တိုက်မိပြီး ထော်လာဂျီမောင်းသူကို စစ်ကောင်စီတပ်က ဖမ်းဆီးသွားတယ်လို့ ဒေသခံတွေက ပြောပါတယ်။
ရဲကားတိုက်ခံရပြီးတဲ့နောက် တောင်နီကွေ့အနီးတဝိုက် စစ်ဆေးတာတွေလုပ်နေပြီး အကြမ်းဖက်စစ်ကောင်စီတပ်က သပိတ်မှာ ပါဝင်သူတွေကို လိုက်လံရှာဖွေဖမ်းဆီးနေတယ်လို့ သိရပါတယ်။
မေ ၂၈ ရက်ညကလည်း မင်္ဂလာကန်ပေါင်မှာ ငါးမျှားနေတဲ့ပြည်သူနှစ်ဦးကို စစ်ကောင်စီတပ်က ဖမ်းသွားပြီး ပြန်လွှတ်ပေးလိုက်တယ်လို့ ဆိုပါတယ်။
