လေပြင်းတိုက်ခတ်သဖြင့် မန်ဒေါင်အလကကျောင်း အမိုးလန်
DVB
·
May 23, 2021
ကချင်ပြည်နယ် ဝိုင်းမော်မြို့နယ်မှာ မေ ၂၂ ရက်ညနေပိုင်းက မိုးသက်လေပြင်း တိုက်ခတ်တာကြောင့် မန်ဒေါင်ကျေးရွာက အခြေခံပညာ အလကကျောင်းတစ်ခု အမိုးများလန်ကာ ပျက်စီးသွားတယ်လို့ သိရပါတယ်။
“လေဟာပြင်လိုဖြစ်နေတော့ ပိုးဆိုးသွားတယ်။ ကျောင်းဆောင်နဲ့ခြံ၀င်းကြီးပဲ ကွက်ပြီး အမိုး လန်ကုန်တာ၊ ရွာမှာ တခြားပျက်စီးတာ သိပ်မရှိဘူး” လို့ မန်ဒေါင်ဒေသခံတစ်ဦးက ပြောပါတယ်။
မကြာမီ ကျောင်းဖွင့်ဖို့ စီစဉ်နေတဲ့ မန်ဒေါင် အလကကျောင်းဟာ မြစ်ကြီးနား-ချီဖွေသွား လမ်းမပေါ်မှာရှိပြီး လက်ရှိဖမ်းဆီးထိန်းသိမ်းခံထားရတဲ့ စည်ပင်၀န်ကြီး ဦးနော်လီရဲ့ဇာတိရွာလည်း ဖြစ်တယ်လို့သိရပါတယ်။
