ဒိုက်ဦးမြို့တွင် CDM ပညာရေး၀န်ထမ်းအချို့ဖမ်းခံရ
DVB
·
May 17, 2021
ပဲခူးတိုင်း၊ ဒိုက်ဦးမြို့နယ်ပညာရေးမှူးရုံးမှာ မတ် ၁၆ ရက်ညက ပေါက်ကွဲမှုဖြစ်အပြီး စစ်ကောင်စီရဲ့ အကြမ်းဖက် လက်နက်ကိုင်တွေဟာ CDM ဝင်နေတဲ့ ပညာရေးဝန်ထမ်းအချို့ ဖမ်းဆီးခဲ့ပါတယ်။
အကြမ်းဖက်လက်နက်ကိုင်တွေဟာ ရပ်ကွက်တွေထဲ သေနတ်တွေပစ်ဖောက်ပြီး အိမ်ထဲအထိ ၀င်ရောက် ဖမ်းဆီးခဲ့ရာမှာ CDM ၀င်ထားတဲ့ ပညာရေး၀န်ထမ်း ၂ ယောက်ပါဖမ်းဆီးခံရပြီး နောက်ထပ် CDM ၀န်ထမ်းတွေကို ဖမ်းဆီးဖို့သွားတာ မတွေ့လို့ ဓားစာခံအဖြစ် သူ့ရဲ့ယောက်ဖနဲ့ တခြားမိသားစုဝင်တစ်ယောက်ကို ဖမ်းသွားတယ်လို့ ဒေသခံတွေက ပြောပါတယ်။
ဖမ်းဆီးခံ CDM ပညာရေး၀န်ထမ်းတွေကိုတော့ တာ၀န်ပြန်ထမ်းဆောင်ဖို့ ခံ၀န်လက်မှတ် ရေးထိုးမှ ပြန်လွှတ်ပေးမယ်လို့ ပြောတဲ့အကြောင်း မြို့ခံတွေက ပြောဆိုပေမဲ့ မိသားစု၀င်တွေဆီက သီးခြားအတည်ပြုချက် မရသေးပါဘူး။
