ရွှေဘိုမြို့ စည်ပင်သာယာစျေး မီးလောင်
DVB
·
May 15, 2021
စစ်ကိုင်းတိုင်း ရွှေဘိုမြို့ စည်ပင်သာယာစျေးမှာ မေလ ၁၅ ရက်နေ့ မနက် ၂ နာရီခွဲက မီးလောင်မှုဖြစ်ပွားခဲ့တယ်လို့ သိရပါတယ်။
ဒေသတစ်ဦးက “ကျနော်တို့ ရွှေဘိုမြို့ အမှတ် ၄ စည်ပင်သာယာဈေး မီးလောင်ခဲ့တာပါ။ ဘယ်ကနေ မီးလောင်တယ်ဆိုတာ မသိရပါဘူး။ မနက် ၂ နာရီခွဲမီးလောင်ခဲ့တယ်။ အဲချိန်က ညမထွက်အမိန့်နဲ့ဆိုတော့ ဈေးထဲရှိတဲ့ ပစ္စည်းတွေ သယ်လို့မရဘူး။ အကုန်ပါသွားတယ်။ ကျနော်တို့ ဘာ တစ်ခုမှမရလိုက်ဘူး။ အကုန်လုံးဈေးဆိုင်ပိုင်ရှင်တွေ ဆုံးရှုံးသွားတယ်။ တစ်ချို့မနက် ၅ နာရီပစ္စည်းတွေသယ်တော့ သယ်တယ်ရတာ နည်းတယ်၊ ဘယ်ကနေမီ းလောင်တယ်ဆိုတာ မသိရဘူး၊ ကျနော်တို့သွားတဲ့ချိန်ကစ မီးအကုန်လောင်နေပြီ” လို့ ပြောပါတယ်။
ရွှေဘိုမြို့ စည်ပင်သာယာစျေးဟာ ဒီမနက် ၂ နာရီခွဲက မီးစတင်လောင်ကျွမ်းခဲ့ပြီး မနက် ၆ နာရီမှာ မီးငြိမ်းနိုင်ပြီး တစ်စျေးလုံး ပြာကျသွားခဲ့ကာ ဆုံးရှုံးမှုတန်ဖိုးတော့ မသိရသေးပါဘူး။
