လှိုင်းဘွဲမြို့နယ် ပညာရေးမှူးရုံးအနီး ဗုံးကွဲ
DVB
·
May 4, 2021
ကရင်ပြည်နယ်၊ လှိုင်းဘွဲမြို့နယ် ပညာရေးမှူးရုံးအနီးမှာ မေ ၄ ရက် မနက် ၃ နာရီလောက်က လက်လုပ်ဗုံးတစ်လုံးပေါက်ကွဲမှုဖြစ်ပွားခဲ့တယ်လို့ ပညာရေးဝန်ထမ်းတစ်ဦးက ပြောပါတယ်။
အဆိုပါ မြို့နယ်ပညာရေးမှူးရုံးဟာ လူစည်ကားရာ စျေးအနီးမှာရှိပြီး ဗုံးပေါက်ကွဲမှုကြောင့် ရုံးအဆောက်အဦ မှန်တွေကွဲအက်ပြီး လူတွေထိခိုက်မှုမရှိခဲ့ပါဘူး။
ဗုံးပေါက်ကွဲမှုဖြစ်ပွားတဲ့နေရာကို စစ်ကောင်စီရဲ့ တပ်နဲ့ရဲတွေရောက်ရှိ စစ်ဆေးတာတွေ၊ လုံခြုံရေးယူထားတာတွေရှိတယ်လို့ မြို့ခံတွေက ပြောပါတယ်။
