သထုံအကျဉ်းထောင်အနီး ဗုံးပေါက်ကွဲ၊ ပြည်သူ ၃ ဦး ဒဏ်ရာရ
DVB
·
May 1, 2021
မွန်ပြည်နယ်၊ သထုံမြို့က အချုပ်ထောင်ရှေ့အနီးမှာ မေလ ၁ ရက် ညနေ ၃ နာရီ အချိန်က ဗုံးပေါက်ကွဲမှု ဖြစ်ပွားခဲ့တယ်လို့ ဒေသခံတွေက ဒီဗွီဘီကို ပြောပါတယ်။
အဲဒီဗုံးပေါက်ကွဲမှုကြောင့် လမ်းသွားပြည်သူ ၃ ဦး ထိခိုက်ဒဏ်ရာရရှိခဲ့ပေမယ့် မစိုးရိမ်ရဘူးလို့ ဆိုပါတယ်။
သထုံမြို့နယ်မှာတော့ အကြမ်းဖက် အာဏာသိမ်းစစ်တပ်နဲ့ ကရင်အမျိုးသားအစည်းအရုံး KNU တို့ကြား မကြာခဏဆိုသလို တိုက်ပွဲတွေ ဖြစ်ပွားနေတာပါ။
အခုဗုံးပေါက်ကွဲမှု ဖြစ်စဉ်ဟာ စစ်တပ်က အာဏာသိမ်းပြီးနောက် သထုံမြို့ပေါ်မှာ ပထမဦးဆုံး ဖြစ်ပွားတဲ့ ဗုံးပေါက်ကွဲမှုလည်း ဖြစ်ပါတယ်။
