ရန်ကင်းမြို့နယ် မြန်မာပလာဇာအနီး မွန်လွဲ ၁ နာရီလောက်ကစပြီး ပေါက်ကွဲမှုတွေ ဆက်တိုက်ဖြစ်ပေါ်နေတယ်လို့ ဒေသခံတွေဆီက သိရပါတယ်။
“အသံတွေကတော့ ဆက်တိုက်ပဲ။ ခုနကပဲ ထပ်ကွဲတယ်။ လေးငါးလုံး လောက်ရှိမယ်။ အိမ်တွေတောင် တုန်တယ်။ အခုတော့ ရဲတွေ၊ စစ်သားတွေ အများကြီးရောက်လာပြီ။ စက်မှု ၁ လမ်းမှာတော့ စစ်ဆေးတာတွေ လုပ်နေပြီကြားတယ်” လို့ ဒေသခံတစ်ဦးက ပြောပါတယ်။
လက်ရှိ ရန်ကင်း ၁၂ လုံးတန်း မီးပွိုင့်နားတဝိုက်မှာလည်း ရဲ၊ စစ်သား အင်အား အများအပြား လုံခြုံရေးယူထားတာကို တွေ့ရပါတယ်။
ဒီကနေ့မနက်ပိုင်း ရန်ကင်း ဘောက်ထော်မှာ စစ်ကောင်စီက မှတ်တမ်းဆေးရုံဖွင့်ပွဲ ပြုလုပ်ဖို့ မနေ့ညကတည်းက လုံခြုံရေး အင်အားအများအပြား ယူထားတာကိုလည်း မြင်တွေ့ရတယ်လို့ ဒေသခံတွေက ပြောပါတယ်။
ပြီးခဲ့တဲ့ ဧပြီလ ၁၇ ရက်နေ့ကလည်း ရန်ကင်း ရပ်ကွက် ၂ ထဲ ဗုံး ၃ လုံးဆင့်ပေါက်ကွဲခဲ့ပြီး မတရားဖမ်းဆီးခံရသူ အများအပြား ရှိခဲ့ပါတယ်။
