ရွှေပြည်သာ အမှတ် ၅ ရပ်ကွက်ရုံး အသံဗုံးပေါက်ကွဲ
DVB
·
May 1, 2021
ရန်ကုန် ရွှေပြည်သာမြို့နယ် ၊ အမှတ် ၅ ရပ်ကွက်ရုံးမှာ မေလ ၁ ရက် ၁၁ နာရီခွဲလောက်က ပေါက်ကွဲမှုဖြစ်ပွားခဲ့တယ်လို့ ဒေသခံတွေကပြောပါတယ်။
ပေါက်ကွဲမှုဖြစ်ပြီး ထိခိုက်ပျက်စီးတာမရှိလို့ အသံဗုံးပေါက်တာဖြစ်နိုင်တယ်လို့ အမှတ် ၅ ရပ်ကွက်ရုံးနားနေထိုင်သူတွေကတော့ ပြောပါတယ်။
ပေါက်ကွဲမှုဖြစ်ပွားပြီး မကြာခင် ရဲနဲ့စစ်တပ်ရောက်ရရှိလာပြီး လမ်းသွား လမ်းလာတွေကို တားဆီးစစ်ဆေးကာ နေ့လည် ၁ နာရီကျော်လောက်မှာ ပြန်သွားတယ်လို့ သိရပါတယ်။
ရန်ကင်းမြို့နယ် မြန်မာပလာဇာအနီးမှာလည်း ဒီနေ့ နေ့လည် ၁ နာရီလောက်က ပေါက်ကွဲမှုတွေ ဆက်တိုက်ဖြစ်ပွားခဲ့သလို မနက်အစောပိုင်းကလည်း တောင်ဒဂုံမှာ YBS ကား ၂ စီးမီးလောင်ခဲ့ပါတယ်။
