အင်းစိန်ဈေး သား၊ ငါးတန်းတွင် ပေါက်ကွဲမှုဖြစ်
DVB
·
April 28, 2021
ရန်ကုန်မြို့၊ အင်းစိန်ဈေး သား၊ ငါးတန်းမှာ ဧပြီ ၂၈ ရက် ညနေ ၃ နာရီကျော်အချိန်က ပေါက်ကွဲမှုတစ်ခုဖြစ်ပွားခဲ့တဲ့အတွက် အကြမ်းဖက်စစ်ကောင်စီတပ်နဲ့ ရဲတွေ လုံခြုံရေးယူ စစ်ဆေးနေကြပါတယ်။
စစ်တပ်နဲ့ရဲတွေရောက်လာတဲ့အတွက် အနီးဝန်းကျင်ကလူတွေသွားရောက်ကြည့်ရှုဖို့ အခွင့်အရေးမရခဲ့ဘူးလို့ ဒေသခံတွေက ပြောပါတယ်။
ဧပြီ ၂၈ ရက် မနက် ၁၁ နာရီခွဲလောက်ကလည်း အင်းစိန်မြို့နယ်၊ ဖော့ကန်ရပ်ကွက်၊ မင်္ဂလာလမ်းက စစ်ကောင်စီခန့်အပ်ထားတဲ့အုပ်ချုပ်ရေးမှူးရဲ့အိမ်မှာ ပေါက်ကွဲမှုတစ်ခု ဖြစ်ခဲ့ပါတယ်။
ဧပြီ ၂၈ ရက်နေ့ တစ်ရက်တည်းမှာပဲ အင်းစိန်မြို့နယ်ထဲမှာ ပေါက်ကွဲမှု နှစ်ကြိမ်ဖြစ်ပွားခဲ့တာဖြစ်ပြီး ထိခိုက်ပျက်စီးတဲ့အခြေအနေကိုတော့ မသိရသေးပါဘူး။
