ချမ်းအေးသာစံမြို့နယ်တွင် ဘုန်းကြီးကျောင်း မီးလောင်
DVB
·
April 25, 2021
မန္တလေး၊ ချမ်းအေးသာစံမြို့နယ်၊ သီရိဟေမာအနောက်ရပ်ကွက် ၂၆လမ်း၊ ၉၁လမ်း နဲ့ ၉၂ လမ်းကြားရှိ ထန်းတောကျောင်းတိုက်မှာ ဧပြီ ၂၅ ရက် မနက် ၄ နာရီလောက်က မီးလောင်မှုဖြစ်ပွားခဲ့ပါတယ်။
အဲဒီကျောင်းတိုက်ထဲက အေးဓမ္မသာယာကျောင်းရဲ့ ကျောင်းထိုင်ဆရာတော် သီတင်သုံးတဲ့ အဆောင်မှာ မိန်းပလပ်ခုံ အပူလွန်ကဲပြီး ပလပ်ခုံအောက်က အလှူစ္စည်းတွေပေါ် မီးပွားကျပြီး မီးလောင်ခဲ့တာဖြစ်ပါတယ်။
မီးလောင်မှုဖြစ်ပွားရာသို့ တိုင်းဒေသကြီးမီးသတ်ဦးစီးဌာနက Level 2 သတ်မှတ်ပြီး သွားရောက်ငြှိမ်းသတ်ခဲ့ရာ မနက် ၄ နာရီ ၁၀ မိနစ်မှာ မီးငြိမ်းခဲ့ပါတယ်။
မီးလောင်မှုကြောင့် သွပ်မိုး ၊အုတ်ညှပ်၊ ပျဉ်ကာအဆောက်အအုံ တစ်လုံးနဲ့ မြေစိုက် ပျဉ်ထောင် အဆောက်အအုံဟောင်း တစ်လုံး မီးလောင်ကျွမ်းခဲ့ပြီး ကျပ် ၃၅၀၀၀၀ ဖိုး ဆုံးရှုံးခဲ့တယ်လို့ သိရပါတယ်။
